ستاتنا واللة طيبين --- شالين همومنا متحملين ،،،، رجالة قواى جبارين وكتير تلاقينا مفتريين -- ما يعجبناش العجب وعليهم مستقويين ,,ودى حقيقة عرفتها وفى قصتنا أدركتها واتاكدت منها ولمستها ,,ونبدأ حكايتنا ونخطها .
دعوة فرح وصلت لنا -- خطوبة أبن عمى ببلد جنبنا --أهلى وخلانى جمعنا بعضنا - خالي وخالتي وأحبابهم --أخويا وأخوتي وأصحابهم --أولادى وأنا-- أتجمعنا كلنا -- شدينا الرحال -- وركبنا قطار النوم - أسكندرية طريقنا هى هدفنا اليوم --- ومن محطة بلدنا قصدنا رب كريم .
وصلنا فى الصباح بعد السفر تعبانين -- وفى بيت عمى المعازيم كلهم حاضرين ,, عمامى وخوالي فى ركن الرجال جالسين -- وفى ركن تاني شباب العيلة متجمعين --- صغار وكبار أهل وعيلة فرحانين .
وفى ركن الرجال مكانى --عمى يحكى -- وخالي يقول -- فى المهر والشبكة -- والفرح والمعازيم --أيامنا دالوقتى - - وزمان أجمل كتير -- ذكريات الزمن اللي فات -- وذكرى كل الأحباب -- أفتكرنا أهلنا اللى راحوا مننا -- أمهاتنا أبائنا --أعمامنا وأجددادنا -- جيل قديم راح,, وشباب جديد موجود,,
شاي -- وقهوة -- ونسكافية -- وحاجة ساقعة وشيشة تفاح -- دخان سجاير عبى المكان -- ومندرة فيها حكاوى -- والتاريخ ينقرا.
ستاتنا دول مساكين فى البيت رايحين جايين ,,لا واحدة منهم كلت -- ولا راحة هم طالبين -- عماتى تطبخ لينا -- وخالاتى مشغولين -- خالة طالعة والتانية نازلة -- وأختى رايحة جاية توزع المشاريب -- و قريبة لينا بالمبخرة تدور علينا فى المندرة -- أبرة.. وعروسة ورق تخرم فى العيون - - عين حريمنا,, وعيون ستات تانيين فى حينا ساكنين - وأسمع دعاها يكفينا شر العين -- وكل الحاسدين -- -وأم العريس ترقي نوارتنا عريسنا الزين .
رجال أحنا بقا ولنفسنا شايفين-- نتكلم و نضحك وفى ركننا هايصين -- وستاتنا ياعينى عليهم فى شغل البيت لايصين .
الغدا وقتة حان -- سفرة تتحضر-- مفارش تتفرش - وكراسي تنشال منقولة من مكان لمكان -- وأطباق وصواني تترص ودوارق ماء كمان,, ورجال بسرعة تقوم تاكل وتملى البطون-- واحد يطلب شربة والتانى ملح -- وليمون ,, وستاتنا حوالينا تلبى من غير كلل وخمول --الفرحة فى عيونهم -- وبسمة تملىء الوجوة -- همة ونشاط الكل لينا خدوم --الزوجة والأبنة --العمة والجدة--- وكل من أخرة تاء مربوطة -- ستاتنا وبناتنا -- الكل فى خدمتنا .
ينتهى الغدا -- وخلية نحل-- حوالينا حريم -- تلم وتشيل -- وفى المطبخ يغسلوا المواعين -- واحدة تكنس الأرضية -- والتانية شايلة فوط ومحضرة الحمام - واللى ترتب سفرة وترص كراسي كمان -- و ثوانى البيت يروق ويرجع زى ماكان.
ورجعنا لقعدتنا -- شاينا وقهوتنا -- سجايرنا وشيشتنا -- ودخان يلفنا ويحوطنا -- رجال بقا مستقوييبن -- وستاتنا حوالينا مساكين دايخين-- تعبانين-- واللة علية صعبانين .
حريم واللة جدعان ------------------------- ورجال تنابلة السلطان .
زفة فى المساء أتجمعنا و على العروسة رايحين -- من الكوافير خرجت محروسة ياناس من العين --الكل يتفرج يفحص وينقض-- وحواليهم يدور شمال ويمين -- عريسنا زى القمر ---عروستنا -- وبتنهيدة -- ماشى قمرين -- طبعا العريس مننا -- والعروسة أبننا ليها ها يطير .
حفلة جميلة -- فرح ورقص بنات وبنين -- شباب يغنى وبنات حلوين شمال بتميل ويمين --هيصة وفرحة والجو النهاردة جميل --- وأحنا عواجيز الفرح فى ركن الرجال قاعدين -- نضحك ونتكلم وعاملين أنناعاقلين -- ومن تحت النظارات للحلوين ناظرين -- بنات تحت وفوق العشرين - - شابات كثير حلوين -- نشوفهم ونتحسر على عمرنا اللى عدى منة سنين -- وستاتنا فى عيونا كبروا وأصبحوا (خناشير ) طبعا أحنا متجاوزين من العمر خمسين ومنا من السنين عدا الستين .،، وستاتنا ياسيدى بقوا مسنين --- ودى بنات حلوة فى الجووووول -- وأحنا حريمنا فلووووول .
مش قلت لكم ستاتنا دول جدعان -- وأحنا رجال تنابلة السلطان،،،
أنفض فرحنا يا حلوين --وعقبال عندكم أجمعين .
دعوة فرح وصلت لنا -- خطوبة أبن عمى ببلد جنبنا --أهلى وخلانى جمعنا بعضنا - خالي وخالتي وأحبابهم --أخويا وأخوتي وأصحابهم --أولادى وأنا-- أتجمعنا كلنا -- شدينا الرحال -- وركبنا قطار النوم - أسكندرية طريقنا هى هدفنا اليوم --- ومن محطة بلدنا قصدنا رب كريم .
وصلنا فى الصباح بعد السفر تعبانين -- وفى بيت عمى المعازيم كلهم حاضرين ,, عمامى وخوالي فى ركن الرجال جالسين -- وفى ركن تاني شباب العيلة متجمعين --- صغار وكبار أهل وعيلة فرحانين .
وفى ركن الرجال مكانى --عمى يحكى -- وخالي يقول -- فى المهر والشبكة -- والفرح والمعازيم --أيامنا دالوقتى - - وزمان أجمل كتير -- ذكريات الزمن اللي فات -- وذكرى كل الأحباب -- أفتكرنا أهلنا اللى راحوا مننا -- أمهاتنا أبائنا --أعمامنا وأجددادنا -- جيل قديم راح,, وشباب جديد موجود,,
شاي -- وقهوة -- ونسكافية -- وحاجة ساقعة وشيشة تفاح -- دخان سجاير عبى المكان -- ومندرة فيها حكاوى -- والتاريخ ينقرا.
ستاتنا دول مساكين فى البيت رايحين جايين ,,لا واحدة منهم كلت -- ولا راحة هم طالبين -- عماتى تطبخ لينا -- وخالاتى مشغولين -- خالة طالعة والتانية نازلة -- وأختى رايحة جاية توزع المشاريب -- و قريبة لينا بالمبخرة تدور علينا فى المندرة -- أبرة.. وعروسة ورق تخرم فى العيون - - عين حريمنا,, وعيون ستات تانيين فى حينا ساكنين - وأسمع دعاها يكفينا شر العين -- وكل الحاسدين -- -وأم العريس ترقي نوارتنا عريسنا الزين .
رجال أحنا بقا ولنفسنا شايفين-- نتكلم و نضحك وفى ركننا هايصين -- وستاتنا ياعينى عليهم فى شغل البيت لايصين .
الغدا وقتة حان -- سفرة تتحضر-- مفارش تتفرش - وكراسي تنشال منقولة من مكان لمكان -- وأطباق وصواني تترص ودوارق ماء كمان,, ورجال بسرعة تقوم تاكل وتملى البطون-- واحد يطلب شربة والتانى ملح -- وليمون ,, وستاتنا حوالينا تلبى من غير كلل وخمول --الفرحة فى عيونهم -- وبسمة تملىء الوجوة -- همة ونشاط الكل لينا خدوم --الزوجة والأبنة --العمة والجدة--- وكل من أخرة تاء مربوطة -- ستاتنا وبناتنا -- الكل فى خدمتنا .
ينتهى الغدا -- وخلية نحل-- حوالينا حريم -- تلم وتشيل -- وفى المطبخ يغسلوا المواعين -- واحدة تكنس الأرضية -- والتانية شايلة فوط ومحضرة الحمام - واللى ترتب سفرة وترص كراسي كمان -- و ثوانى البيت يروق ويرجع زى ماكان.
ورجعنا لقعدتنا -- شاينا وقهوتنا -- سجايرنا وشيشتنا -- ودخان يلفنا ويحوطنا -- رجال بقا مستقوييبن -- وستاتنا حوالينا مساكين دايخين-- تعبانين-- واللة علية صعبانين .
حريم واللة جدعان ------------------------- ورجال تنابلة السلطان .
زفة فى المساء أتجمعنا و على العروسة رايحين -- من الكوافير خرجت محروسة ياناس من العين --الكل يتفرج يفحص وينقض-- وحواليهم يدور شمال ويمين -- عريسنا زى القمر ---عروستنا -- وبتنهيدة -- ماشى قمرين -- طبعا العريس مننا -- والعروسة أبننا ليها ها يطير .
حفلة جميلة -- فرح ورقص بنات وبنين -- شباب يغنى وبنات حلوين شمال بتميل ويمين --هيصة وفرحة والجو النهاردة جميل --- وأحنا عواجيز الفرح فى ركن الرجال قاعدين -- نضحك ونتكلم وعاملين أنناعاقلين -- ومن تحت النظارات للحلوين ناظرين -- بنات تحت وفوق العشرين - - شابات كثير حلوين -- نشوفهم ونتحسر على عمرنا اللى عدى منة سنين -- وستاتنا فى عيونا كبروا وأصبحوا (خناشير ) طبعا أحنا متجاوزين من العمر خمسين ومنا من السنين عدا الستين .،، وستاتنا ياسيدى بقوا مسنين --- ودى بنات حلوة فى الجووووول -- وأحنا حريمنا فلووووول .
مش قلت لكم ستاتنا دول جدعان -- وأحنا رجال تنابلة السلطان،،،
أنفض فرحنا يا حلوين --وعقبال عندكم أجمعين .
ليست هناك تعليقات:
إرسال تعليق