الزوجة الثانية
جمعتني وصديقي مناقشة حوارية,, فى قضية تخص الزوجة التانية ,,وكان على المبداء متحفظ , رافض الفكرة ومتحفز ,,أشعرني بالمرارة وان نفسي أمارة ,, وإنى فى الأساس عديم الإحساس ,,وظنة انة جبل راسخ ,وأنا ريح عاصف,, لعيلتى وحياتي ناسف ,,عزمت على مناقشته للتعرف بفكرته والإستنارة بنظرته .لأن الزوجة التانية قضية إجتماعية قبل ماتكون حالة شخصية ,,والحل ليها واجب ومعرفة رأى الحبايب ,,ونسمع كلام صديقين آرائهم مختلفين .
قلت لصديقي ,نتكلم ببساطة ونبعد عن السلاطة ,, ونناقش القضية بعيد عن السطحية ,,ونتحاور بحرية من غير ديكتاتورية ,, ونطلق لخيالنا العنان ,ونفكر بدون جنان--- إنتفخت أوداجه ,,وإحمرت عيناة ,,وعبس وجهة ,, وخط حاجباة,, ونظر لي شذرا ,, وكأنني جرذا . تغاضيت عن غضبتة , وشرعت فى طرح فكرتى .
رد صاحبي بسرعة الكلام ,, وقال لي تاني تقول أمثال ,,دي وظيفة مش جوازة,,فرق شاسع فى الحالتين .
ياصديقى مشكلتنا ,, إننا نغطى خيبتنا ,, ونقول نعيش نربى عيل ,, ونكبر البيت الصغنن ,, نتغاضى عن إهمال متعمد ,, وعقل متخلف مهيمن ,,وزوجة فى البيت راكنة ,, ومشاعر وأحاسيس بايتة ,,تقول جوزي ملكتة ومع القايمة حفظتة ,,ما حاولتش تصلح حالها وتطور حياتها ومستقبلها ,, وتعيش تشارك الحياة وتساند وتقوى فى الشدائد,, تكبر مشاكلها وتصير جبال ,, ولما الزوج يتغير ,, وزوجة تانية تظهر جميلة المنظر ,, الحياة حوالية تتكهرب ,, والأولى تعمل مظلومة ,, والحياة فى عنيها سودا ,, طيب لية ما أصلحتش ,, وكم المشاكل ما حلتش ,, بس وقت الجد تعمل ضحية ,, وتقول ظالم جبار ,, ما صانش العشرة غدار ,
ياصديقى,, زوجة تانية طموح انسان أراد الحياة ,, حلق بأحلامه وحب اللي يشارك هواة -- ونصيحة لكل صبية خايفة من زوجة تانية ,, فى أيدك حل القضية ,, عقل وقلب كبير وحنية ,, شمعة ووردة ,, ووقت رومانسية ,, ومشاركة للزوج وجدانية ,, وعشرة عمر وذكرى جميلة,, وحلم كبير سوا تحلموه يجمعكم ,تكسبي قلبة ويوهب لك روحة هدية.
جمعتني وصديقي مناقشة حوارية,, فى قضية تخص الزوجة التانية ,,وكان على المبداء متحفظ , رافض الفكرة ومتحفز ,,أشعرني بالمرارة وان نفسي أمارة ,, وإنى فى الأساس عديم الإحساس ,,وظنة انة جبل راسخ ,وأنا ريح عاصف,, لعيلتى وحياتي ناسف ,,عزمت على مناقشته للتعرف بفكرته والإستنارة بنظرته .لأن الزوجة التانية قضية إجتماعية قبل ماتكون حالة شخصية ,,والحل ليها واجب ومعرفة رأى الحبايب ,,ونسمع كلام صديقين آرائهم مختلفين .
قلت لصديقي ,نتكلم ببساطة ونبعد عن السلاطة ,, ونناقش القضية بعيد عن السطحية ,,ونتحاور بحرية من غير ديكتاتورية ,, ونطلق لخيالنا العنان ,ونفكر بدون جنان--- إنتفخت أوداجه ,,وإحمرت عيناة ,,وعبس وجهة ,, وخط حاجباة,, ونظر لي شذرا ,, وكأنني جرذا . تغاضيت عن غضبتة , وشرعت فى طرح فكرتى .
ياصديقى هب ابنك المحروس فشل فى الدروس ,,وكان حلمة يدخل كلية كلاس,, حدفة مجموعة على معهد خاص ,,فكر وعرف خطأة ,, وحب يصلح غلطة ,,نشجعة ونساعدة ولا نقف ضدة ,, يذاكر تانى ويعيد ولانقفل لة الطريق , ويصيبة يأس وبرود ,ويضيع أملة المفقود .
صديقي ثار غضبان ,,انت لية جبار ,,تخلط الامور , والجد والهزار ,,دول قضيتين فى الأصل مختلفين ,,إية جاب الزوجة التانية ,لطالب وكلية قمة .
ياصديقى نفس القضية ,حاول تشوفها بنظرة تانية ,, زوجتي بعد العشرة طلعت مش طموحي ,, قضيت مشوار طويل أحاول تكييف ظروفي -- ضاعت منى آمالي , أحلامي, وعقلي شت - والمية سابت من كفوفي--أستمر معاها وتضيع منى حياتي -- ومشاكل العالم تبقى فوق دماغي -- ولا أبعد وأعيش الدنيا ,, وأختارلحياتى واحدة تانية ..ألاقى معاها نفسي وذاتي .
قال لي اسكت اوعى تكمل ,, كلامك مستفز ,, غير معمر ,, فين العشرة والمسئولية ,, الرجولة والإنسانية .إزاى تبيع وتهدم بيت ,,وتهدر حياة وتشرد ولاد ,,كل دا علشان طموح --آمال -- وأوهام أحلام ,,انت فاكر البيت دا اية , تهد ركن , تخرب أساس , دا انت حتى تبقى راجل البعيد ما فيش إحساس .
ياصديقى اسمع كلامي ,, وبالمنطق رد اتهامي , لو تقرير الموظف ضعيف ,,عملة قليل ,, وفكرة ضئيل ,, اهماله زايد , ومجهودة عليل ,ومنة الزملة شاكيين ,, والبعد عنة منى العين ,, ورغم النصح والإرشاد,, مستمر فى العناد ,, لما نقول علية ضعيف يبقى الإتهام لمين ,,للموظف ولا الرئيس .
رد صاحبي بسرعة الكلام ,, وقال لي تاني تقول أمثال ,,دي وظيفة مش جوازة,,فرق شاسع فى الحالتين .
ياصديقى ,الزواج فى الأساس وظيفة بس يملأها الإحساس ,,مشاعر دافية وتربة خصبة ,,أمومة طاغية ,, وأبوة واضحة ,, للكل حق وواجب ,, وطريق مرسوم وهدف معلوم , وأى خروج عن المسار ,, فشل يستحق الإعتذار ,,والمسامحة أمر واجب بعد التماس الأعذار ,,والمصيبة ياصديقى الإستمرار والتكرار ,, واللي أهمل , وساق فيها , وما حاولش يصلح الأضرار ,, ما يلومش إلانفسة وينسى طلب الغفران .
ياصديقى مشكلتنا ,, إننا نغطى خيبتنا ,, ونقول نعيش نربى عيل ,, ونكبر البيت الصغنن ,, نتغاضى عن إهمال متعمد ,, وعقل متخلف مهيمن ,,وزوجة فى البيت راكنة ,, ومشاعر وأحاسيس بايتة ,,تقول جوزي ملكتة ومع القايمة حفظتة ,,ما حاولتش تصلح حالها وتطور حياتها ومستقبلها ,, وتعيش تشارك الحياة وتساند وتقوى فى الشدائد,, تكبر مشاكلها وتصير جبال ,, ولما الزوج يتغير ,, وزوجة تانية تظهر جميلة المنظر ,, الحياة حوالية تتكهرب ,, والأولى تعمل مظلومة ,, والحياة فى عنيها سودا ,, طيب لية ما أصلحتش ,, وكم المشاكل ما حلتش ,, بس وقت الجد تعمل ضحية ,, وتقول ظالم جبار ,, ما صانش العشرة غدار ,
ياصديقى,, زوجة تانية طموح انسان أراد الحياة ,, حلق بأحلامه وحب اللي يشارك هواة -- ونصيحة لكل صبية خايفة من زوجة تانية ,, فى أيدك حل القضية ,, عقل وقلب كبير وحنية ,, شمعة ووردة ,, ووقت رومانسية ,, ومشاركة للزوج وجدانية ,, وعشرة عمر وذكرى جميلة,, وحلم كبير سوا تحلموه يجمعكم ,تكسبي قلبة ويوهب لك روحة هدية.
ليست هناك تعليقات:
إرسال تعليق