"الزوجة الثانية"
جمعني وصديقي قضية حوارية,
موضوع يخص الزوجة التانية
صديقي متحفظ .. للفكرة رافض متحفز،
شعرت بالمرارة .. و نفسي بالسوء أمارة
كأني في
الأساس ..عديم الإحساس ,
عاصف لحياتي ..ولأسرتي ناسف
عزمت
على مناقشته ..أتعرف بفكرته ،
حكاية الزوجة التانية.. قضية إجتماعية
والحل
ليها واجب ومعرفة رأى الحبايب ,
ونسمع
كلام صديقين ..فكرين مختلفين
نتكلم ببساطة ونبعد عن الرجعية ،
ونناقش القضية بعيد عن السطحية
ونتحاور
بحرية بدون ديكتاتورية ,,
ونطلق لخيالنا العنان ..ونفكر باعتدال
قَطَب
الجبين ..وحمر عينيه,
نظر لي باشمئزاز .. كأني
من الجرذان
تغاضيت
عن غضبته،
وبدأت.. طرح قضيتي
ياصديقى..لو ولدك
المحروس فشل في الدروس ,
وضاع حلم كلية كلاس.. وراح معهد خاص
فاق وعرف خطأة .. وحب يصلح غَلطُه ،
نشجعه
ونساعده.. ولا نقف ضده
يجرب
تاني ويعيد.. ولانقفل له الطريق ,
يصيبه يأس وبرود ..ويضيع أمله المعقود
ثار
صديقي غضبان ..انت صحيح جبار،
تخلط الأمور .. والجد والهزار
تناقش
قضيتين في الأصل مختلفين،
إيه جاب
زوجة تانية.. وطالب وكلية قمة
ياصديقى
هى نفس القضية ،
بس شوفها بوجة و نظرة تانية
زوجتي
بعد العشرة طلعت مش طموحي ،
قضيت حياتي أحاول تكييف اموري
ضاعت
آمالي .. أحلامي.. وعقلي شت ،
والمياه سابت بين كفوفي..واليأس دب
أستمر في
مكاني وتضيع منى حياتي ،
ومشاكل
العالم تتراكم فوق دماغي
اخترت
أعيش الدنيا وأكَمِل مع زوجة تانية ،
ألاقي نفسي وذاتي..واجدد عيشتي وحياتي
قال
لي اسكت اياك تكمل.. كلامك مستفز..مدمر،
فين العشرة والمسئولية .. الرجولة والإنسانية
إزاى
تبيع وتهدم بيت ..تضيع حياة ..تشرد اولاد ،
كل دا علشان طموح ..أوهام..أحلام شباب
انت فاكر
ايه الجواز.. تهد ركن .. تخرب أساس ,
دا انت حتى تبقى راجل ..البعيد ما فيش إحساس
ياصديقى
إعقل كلامي .. بالمنطق رد اتهامي
عندك
موظف مُهمل ..تَعِيس ،
فكر
خامل.. مجهود ما فيش
زملاءه
منه شاكيين .. والبعد عنه منى العين ,
ومع النصح والإرشاد.. مستمر في العناد
ينكتب له تقرير ضعيف ..الاتهام يبقى لمين؟ ,
موظف ما يساويش.. ولاغلطة رئيس
رد صاحبي بسرعة الكلام ,
وقال لي تاني تقول أمثال
دي وظيفة
مش جوازة,
فرق شاسع فى الحالتين
ياصديقى
..الجواز في الأساس ،
وظيفة بس يملاها الإحساس
مشاعر
دافية وتربة خصبة ,
أمومة
طاغية .. وأبوة صالحة
فيها حق
مطلوب .. وجهد واجب من الطرفين ،
وأي
خروج عن المسار .. فشل يستحق الإعتذار
المسامحة
أمر واجب بعد التماس الأعذار ,
والمصيبة ياصديقى الإستمرار والتكرار
اللي
أخطأ وما حاولش يصلح الأضرار،
ما يلومش إلانفسه ..ما يستحقش الغفران
ياصديقى مشكلتنا .. دايما نداري خيبتنا،
وحِجة نربى الولاد .. وتكبر معاهم خلافتنا
نتغاضى
عن إهمال مهيمن ,
وعقل متخلف مسيطر
وزوجة فى
البيت راكنة ،
ومشاعر وأحاسيس بايتة
تقول
جوزي ملكته ..مع القايمة حفظته
ما تحاولش تصلح حالها ..أوتطورمن حياتها
تشارك
الحياة ..أو تساند فى الشدائد,
تكبر مشاكلها وتصير نار قايدة
لما
الزوج يتغير .. وزوجة تانية تظهر ،
الحياة حواليه تتكهرب..وينقلب حالها
المدام
تعمل مظلومة.. والحياة فى عينها سودا ،
طيب فين الإهتمام..والعقل والقلب من زمان
وقت الجد
تعمل ضحية .. وتقول ظالم جبار
لم يصون
العشرة..قاسي .. غدار
ياصديقى زوجة تانية.. طموح انسان حَب الحياة،
حلق بأحلامه مع اللي شاركته هواه
نصيحة
لكل صبية خايفة من زوجة تانية ,
فى أيدك حل القضية ..عقل وقلب كبير ومراعية
شمعة
ووردة .. وحياة رومانسية ,
ومشاركة للزوج ..عقلية ووجدانية
كلمة
حلوة في مغربية ..ونظرة كلها حنية
تكسبي
قلبه.. ويوهب لك روحه هدية
ليست هناك تعليقات:
إرسال تعليق