خناقه حريمى
بيت العيله الكبير , يلم شملنا ,الأهل والأحباب وجيرانا فى حَيينا , انا وام العيال يوم كُنا وَحدنا -- نحل مشاكلنا الكتير نتحاسب ونتعاتب ,, شاعر بِِغُبن شديد من ظلم أهالينا ,كل من فى البيت يبيع ويشترى فينا ,, من زمن الوضع قايم , وأحاول أعدل المايل , أبوها متجبر ومتكبر وحُكمه للبيت غاشم ,,وأبنه شاب عَويل فى والده متعشم , يورث البيت الكبير وفى أهله يتحكم , وبالكرسى يزيد جمال ويتربى فى عزه ,, ويتقال لة مُبارك قرب يِنول حلمُه .
الوضع دا قلقنى وفى العيشة زهقني , وفى البيت دا انا ساكن وفى الحى متربي , كاتم أناغيظي ومستنى تتعدل ,, يعدى بكره وبعده والحال على وضعه - طهقت وطفح بى الكيل وأعصابي مفلوتة-- قلت أشد الحيل وأشوط فيهم شوطة , أشعلها ثوره كبيره, وما تهمني الموتة ,عيشة الذل ما تنفع , وتطَفح الكوتة -- وأنا نويت أعيش وآكل بكرامة عيش -- الظلم احساس قاسى , ومن الذل أرفع راسي .
فى بيت عيلتنا فى شقتنا , صُوتنا يعلَى ويحتد الكلام بينا -- زهِقت من حالى وباحاول أحل مشاكلنا -- و حماتي على الباب تتصنت و تسمع مادار بينا -- بعزم شديد وقلب حديد تهجم وتمسكنى ,, ودَفعة جامدة على الحيط شدتني و خَبطتنى -- ثائر وعامل ثورجى وناسى ان دا بيتنا -- ناوى تكبر و تُحكم وتغير المقادير , احنا هنا الأصل وانت فى بيتنا أجير , فاكر ها ييجى يوم تتنصف يا ذليل -- امي سمعت صراخها جات جرى تنجدني , ومن ايديها بالعافية تشدنى و تبعدنى -- و خالتي تصرخ وتتوعد بالويل والثبور ,,وكل ظالم فى بيتنا يوم قريب ها يغور , واختي وصلها الخبر على وجهها تندب -- وحماتى ما اتهدت ولسه بتهدد,, وام الولاد فى صفها,أتشجعت زاد عنفها , -- واختها طلعت تساندها وتتحالف -- وتحلف ان البيت ما ها يعيش فيه مخالف .
أبوها وأخوها وأهل مراتي وعشيرتهم ,,وأهل الحى رجاله وستاتهم ,, الكل يتجمع وفى المشكلة يفتى -- جيرانى والإخوان أحتلوا منا البيت ,, صرخت أنادى على الإنقاذ غير الكلام مالقيت --- قالوا أعتصام ,, عصيان , أصوات عالية وصراخ وعراك -- وحريم كتير جوه وبره البيت -- وكلام هنا وهناك سب وضرب ولوم -- وَاصلة ردح عاليه ونغمات من كل لون , فرشوا الملاية لبعض وطَلعوا أسرارنا,من غير خِشى أو حَيا نشروا أخبارنا --- قلبت خِناقة حريمي وتاهت ثورتى , راحت أحلامى ومعاها ضاعت قضيتى - - يافرحه أعادينا والشامتين فينا, ,مع خناق الحريم تتوة الحقيقة وتروح , والظالم يبقى مظلوم, ويكتر قطع الهدوم , وحريقه تقييد فى البيت , شَعللها أهالينا , وكل يوم أدعى سبحانك يارب طَفيها .
بيت العيله الكبير , يلم شملنا ,الأهل والأحباب وجيرانا فى حَيينا , انا وام العيال يوم كُنا وَحدنا -- نحل مشاكلنا الكتير نتحاسب ونتعاتب ,, شاعر بِِغُبن شديد من ظلم أهالينا ,كل من فى البيت يبيع ويشترى فينا ,, من زمن الوضع قايم , وأحاول أعدل المايل , أبوها متجبر ومتكبر وحُكمه للبيت غاشم ,,وأبنه شاب عَويل فى والده متعشم , يورث البيت الكبير وفى أهله يتحكم , وبالكرسى يزيد جمال ويتربى فى عزه ,, ويتقال لة مُبارك قرب يِنول حلمُه .
الوضع دا قلقنى وفى العيشة زهقني , وفى البيت دا انا ساكن وفى الحى متربي , كاتم أناغيظي ومستنى تتعدل ,, يعدى بكره وبعده والحال على وضعه - طهقت وطفح بى الكيل وأعصابي مفلوتة-- قلت أشد الحيل وأشوط فيهم شوطة , أشعلها ثوره كبيره, وما تهمني الموتة ,عيشة الذل ما تنفع , وتطَفح الكوتة -- وأنا نويت أعيش وآكل بكرامة عيش -- الظلم احساس قاسى , ومن الذل أرفع راسي .
فى بيت عيلتنا فى شقتنا , صُوتنا يعلَى ويحتد الكلام بينا -- زهِقت من حالى وباحاول أحل مشاكلنا -- و حماتي على الباب تتصنت و تسمع مادار بينا -- بعزم شديد وقلب حديد تهجم وتمسكنى ,, ودَفعة جامدة على الحيط شدتني و خَبطتنى -- ثائر وعامل ثورجى وناسى ان دا بيتنا -- ناوى تكبر و تُحكم وتغير المقادير , احنا هنا الأصل وانت فى بيتنا أجير , فاكر ها ييجى يوم تتنصف يا ذليل -- امي سمعت صراخها جات جرى تنجدني , ومن ايديها بالعافية تشدنى و تبعدنى -- و خالتي تصرخ وتتوعد بالويل والثبور ,,وكل ظالم فى بيتنا يوم قريب ها يغور , واختي وصلها الخبر على وجهها تندب -- وحماتى ما اتهدت ولسه بتهدد,, وام الولاد فى صفها,أتشجعت زاد عنفها , -- واختها طلعت تساندها وتتحالف -- وتحلف ان البيت ما ها يعيش فيه مخالف .
أبوها وأخوها وأهل مراتي وعشيرتهم ,,وأهل الحى رجاله وستاتهم ,, الكل يتجمع وفى المشكلة يفتى -- جيرانى والإخوان أحتلوا منا البيت ,, صرخت أنادى على الإنقاذ غير الكلام مالقيت --- قالوا أعتصام ,, عصيان , أصوات عالية وصراخ وعراك -- وحريم كتير جوه وبره البيت -- وكلام هنا وهناك سب وضرب ولوم -- وَاصلة ردح عاليه ونغمات من كل لون , فرشوا الملاية لبعض وطَلعوا أسرارنا,من غير خِشى أو حَيا نشروا أخبارنا --- قلبت خِناقة حريمي وتاهت ثورتى , راحت أحلامى ومعاها ضاعت قضيتى - - يافرحه أعادينا والشامتين فينا, ,مع خناق الحريم تتوة الحقيقة وتروح , والظالم يبقى مظلوم, ويكتر قطع الهدوم , وحريقه تقييد فى البيت , شَعللها أهالينا , وكل يوم أدعى سبحانك يارب طَفيها .
ليست هناك تعليقات:
إرسال تعليق