تعالو نتكلم ببساطة وصراحة عن الانسان ابووشين هل هو انسان كويس يعنى ينفع يكون صديق او حبيب اوحتى زميل --يعنى ممكن نتقرب منة ولا الاحسن نبتعد عنة .طيب نعرف الاول مين ابووشين -هو اللى يمدحنى فى وجهى ويذمنى فى ظهرى -- من يرى مساؤى ويقتعى انها فضائل --من يرى قبحى ويمتدح جمالى ويرى جهلى ويمتدح علمى .---انا عن نفسى شايف ان دا انسان عادى يعنى انسان كويس -ازاى اقولكم تعالوا نقف مع انفسنا وقفة صدق ونغوص فى اعماقنا ونفتكر اقوالنا وافعالنا اليومية مع اصدقاءنا ومع اقاربنا ومع زملاءنا --وبعدين تعالوا نفتكر كلامنا عنهم من راء ظهورهم --ههههههههههههههها هاتلاقوا كلامنا كلة مختلف وضحكنا معهم انقلب لسخرية من ورائهم -وجدنا معهم انقلب هزلا من افعالهم --يعنى اية يعنى ببساطة كلنا بوشين --تعالوا نسأل نفسنا سؤال هل فى احد منا يستطيع ان يبوح بما داخلة ويخرج مشاعرة واحاسيسة الحقيقة حتى لاقرب الاقربين منة --يعنى يقول مشاعرة الحقيقية تجاة اصحابة او اقاربة او حتى اعدائة فى مواجهتهم مباشرة --عارفين اللى يعمل كدة بنسمية اية الايام دى احمق او (جلنف)وعلى فكرةهو دا الاقرب للوش الواحد يعنى اتخيلوا معايا و احد بيقول لرئيسة انت غبى او واحد يقول لزميلة انت متخلف او لفتاة انتى عانس اولسيدة انتى قبيحة هو دا ابووش واحد--عموما انا شايف ان الانسان كلما اضمحل ثقافيا وضاقت حياتة الاجتماعية اقترب من الوش الواحد والعكس صحيح فكلما زاد ثقافة وانتشر اجتماعيا اصبح لة وشين بل اكثر من وشين ويمكن ب100وش وانا مش شايف ان دا عيب بل على العكس دا نوع من الذكاء الاجتماعى وتلطيف للحياة التى نحياها وهونوع من تجميل لحياتنا ببعض الكلمات والجمل التى ربما لانحسهاولكن لها مفعول السحر فيما يحيطون بنا من اهل واصدقاءوكلما ذادت الوشوش وتعددت الاوجةكلما زاد بهاء الحياة وجمالهاواستطعنا ان نتعايش معا فى محبة ووئام --على العكس اذا افضينا بما يدور فى عقولنا اوماتجيش بة صدورنا لخسرنا اصدقائنا وعادينا اهلنا وباتت الحياة كريهة وكئيبة --فليس المهم ان تكون بوشين أو حتى 100 وش المهم ان لاتضمر فى قلبك سوء ولاتقصد بقولك اذىولاتقول قولا تقصد بة غدر او خيانة ---وبعد كدة خليك بوشين اوبتلاتة او اربعة لايهم فأنت انسان ولايوجد انسان مالوش وشين .
ما أقبح الحياة بوش واحد وما احلاها بألف وش
9
9
ليست هناك تعليقات:
إرسال تعليق